Aprendemos unha nova ferramenta

Estas últimas semanas, a clase de 5º de primaria, estivo traballando o programa Movie Maker nas clases de informática. O resultado foi excelente. Aquí amosamos un exemplo dun dos videos creados.

UNHA NOVA ETAPA

Este curso, os nenos e nenas de 5º estamos na última etapa da Educación Primaria. Case somos os maiores do cole! Aínda que somos menos na clase, porque nos faltan dous compañeiros, temos moita ilusión e ganas de aprender.
Queremos desexarvos a todos e todas un bo inicio de curso!

Visita ós estudios "ACUARELA VISIÓN"

O venres 20 de maio, os nenos e nenas de 5º de primaria realizaron unha visita ao estudio "Acuarela Visión" en Moaña.


Esta productora podemos atopala na rúa Ave do Mar, portal 1ºB-2ºB no Rosal.
Xan Leira, o director, recibiunos moi amablemente e deunos a coñecer o seu extenso traballo cuia finalidade é fomentar e dar a coñecer o patrimonio cultural de Galicia.


Esta productora abrangue un amplo campo de traballo, dende programas de T.V., películas, exposicións ata a edición de libros e revistas.


Podemos acceder ao seu traballo na páxina Web "Memoriadagaliza.com"


Xunto a Xan Leira recibíronnos Diana Reiter, coa que puidemos entender en qué consiste o traballo de maquetación, e Sara Pequeño Salgado que nos explicou como era o seu traballo nas montaxes de películas.

Preciosas leitugas

Este mércores pasado, 18 de maio, recollemos as leitugas na horta escolar. O rego case diario (repartido, semanalmente, entre 5º e 6º) e a limpieza das malas herbas deu o seu froito: unhas brillantes e apetitosas leitugas .

Comprobalo vós mesmos coas fotos:

Anxo Rúa Refojos  e  Fabián Pombal Martínez 6º

3º ciclo coñece ao artista plástico moañés Xavier Ríos

O pasado xoves, 12 de maio, tivemos a honra de achegarnos ao taller de Xavier Ríos, un pintor e escultor que vive moi preto do noso colexio, a só uns 5 minutos de distancia e nós sen sabelo. Coñecemos parte da súa obra escultórica exposta (para nós) na súa finca e co mar da ría de fondo. Os barcos construídos a partir de triángulos eran a base da maioría das pezas; pero, había algo máis. Tanto podían formar parte dunha nora  como dun columpio; por non falar dos distintos materiais empregados: granito, ferro, aceiro... Dentro do taller a cousa foi distinta: un mesmo motivo de diversas formas(con papel, con metal, con goma...).

Cos cadros pasou o mesmo: formas xeométricas e composicións con elas.

A partir daquí soubemos da súa maneira de traballar organizándose en en series:a memoria,borrón,

refuxios,... Contounos que el sempre ten moi presente a referencia constante á infancia (a escola,os xogos).

Tan preto de nós e ao mesmo tempo, expoñendo en distintos lugares, dende Moaña ás demais cidades de Galicia,Madrid e Portugal.

Só nos queda darlle as grazas e escribir aquí algunhas palabras.

As fotos ilustran a nosa visita.

 

Noa e Irene 6º



Temos campións en Quintela

Os días 30 de abril e 1 de maio os remeiros de Tirán foron a Ferrol para competir no Campionato de España de bateis.

Participaron clubs procedentes de Cantabria, País Vasco, Asturias e Galicia.

O equipo infantil de Tirán quedou de primeiro e gañou a bandeira.

Entre os integrantes deste equipo estiveron os nosos compañeiros Brais González Martínez de 5º e Pablo López Romero de 6º.

PARABÉNS COMPAÑEIROS!!!

Visita a "Arte Moaña 11"

O alumnado de 4º, 5º e 6º visitamos a exposición de 24 artistas de Moaña que ten como título Arte Moaña 11. Inaugurouse o sábado 9 de abril na planta superior da praza de abastos de Moaña e permanecerá aberta ata finales de abril. Vimos cadros, esculturas, fotografías e instalacións da arte máis recente.

      Aos de 6º gustounos ver unha escultura de Lito Portela xa que tivemos a honra de  visitar o seu taller o curso pasado. Como este curso visitaremos xunto cos de 5º a outro artista ( Xavier Ríos ) buscamos unha obra súa e tamén a encontramos. Chamounos moito a atención a gran dama da entrada e o prisma de ilusión.

     Estaban na exposición dous dos artistas con obra exposta ( Xulio Lago e María Jalda ) e quedaron encantados ao ver a tantas nenas e nenos alí. Tanto é así que María Jalda deunos unha charla sobre montaxe da exposición, do valor das obras presentadas e da importancia das mesmas.

     A continuación, mostrámosvos fotos dalgunhas das obras e da nosa visita.

Juan Salgueiro

Roberto Brañas

 

instalacións

 

Lito Portela

Xixo Miranda

Loreto

 Xabier Ríos

 

Cristina Carvajal

A dama

Illas Cíes

Os nenos e nenas de 5º curso visitaron as Illas Cíes

UNHA VISITA MOI INTERESANTE

Os nenos e as nenas de 5º curso recibimos onte a visita de Bea.

É unha das guías do Parque Nacional marítimo- terrestre das illas Atlánticas de Galicia.

Aprendimos moitas cousas con ela:

que é un parque nacional; que significa que sexa marítimo- terrestre; cales son as illas Atlánticas de Galicia; que tipo de flora e fauna teñen; cales son os modos de vida dalgunhas das súas aves; como debemos actuar nós para coidar este entorno...

Foi unha visita moi interesante e divertida pois non se esqueceu de traernos un xogo para que aprendéramos divertíndonos.

Agora temos que esperar a ter sorte co tempo para poder facer unha excursión ás illas Cíes.

Lenda da Coruña e da Torre de Hércules

Hai varias lendas relacionadas coa súa construción.
Unha delas é que Hércules matou ao xigante Gerión para salvar ao pobo Brigantium.
Gerión era un dictador e quedábase coa metade das posesións dos seus súbditos,incluso cos seus fillos.
Hércules matou a Gerión e enterrou a cabeza. Xusto enriba colocou unha antorcha.
Dalí medrou un pobo que se chamou Cruña, porque a primeira habitante chamouse Cruña.
Os cidadáns de Cruña puxéronlle ó seu faro este nome, conmemorando a Hércules. "A Torre de Hércules"   Yaiza Portela 5º

                      

Temos mascota na clase de 5º

Andrea Pérez troúxonos a clase un precioso hámster.

Despois dunha votación decidimos que se chamaría "Chip".

Xa lle temos preparada a súa casa con todo tipo de comodidades.

Os cogumelos

Onte os nenos e nenas de 5º e 6º curso asistiron a unha charla moi interesante sobre as setas.

O conferenciante foi Manuel Méndez, gran aficionado as setas, que nos trouxo uns exemplares recolectados esa mesma mañá nos montes de Moaña.

Museo Massó en Bueu

A antiga fábrica de conservas Massó en Bueu hoxe é un museo público . A familia Massó tiña unha importante colección de obxectos e libros relacionados co mar . Grazas á visita de Marconi e aos seus consellos inauguraron un museo privado en 1932.

Actualmente, o museo pertence a Xunta de Galicia, e polo tanto, é publico. Consta de 3 salas: a 1ª está dedicada as embarcacións tradicionais, a industria conserveira, o salazón do peixe e a caza da balea.

A 2ª sala alberga a biblioteca da familia Massó, maquetas de barcos antigos, instrumentos náuticos e gravados.

A 3ª sala está dedicada a exposicións temporais e tamén dispón dun espazo para audiovisuais.

O protagonista é o mar e por iso, o museo abre as súas portas ao exterior: Un museo de portas para fóra coa finalidade de conectar co ambiente que o arrodea porque o edificio está próximo ao porto de Bueu, aomercado de peixe e á lonxa, á praia e a unha carpintería de ribeira.O persoal do museo pretende conectar o interior do museo coa realidade mariñeira de Bueu e conségueo porque as explicación sda guía son moi claras e comprensibles.

UNHA INTERESANTE EXPERIENCIA

ONTE O TERCEIRO CICLO DE QUINTELA, XUNTO CON OUTROS CENTROS, TIVEMOS UNHA VIDEOCONFERENCIA CUNS CIENTÍFICOS GALEGOS QUE ESTÁN INVESTIGANDO NAS UNIVERSIDADES DE XENEBRA E SANTIAGO.

A científica Teresa e o científico Abraham faláronnos dende Xenebra dos átomos e das súas partes máis pequenas e Elena, dende Santiago, falounos dos buracos negros.

Como era tan interesante achegáronse moitos profesores tamén.

É a primeira vez que uns científicos fan unha videoconferencia con centros escolares.

Pareceunos un traballo moi "interesante". Teñen un traballo moi difícil, de moita dedicación e teñen que estudar moito para estar preparados.

Estes traballos axúdannos a saber máis sobre a vida e o universo.

Tamén aclaráronnos dúbidas, como que o planeta non vai a estoupar ou que non o vai tragar un buraco negro.

Son un bó exemplo, porque aínda que están noutro país non esqueceron a súa lingua natal.

Alumnos e alumnas de 5º.

Saída á igrexa de San Martiño

O mércores a nosa clase de 5º e os nenos e nenas de 6º, fomos ver a igrexa de San Martiño en Abelendo.

Fomos acompañados das nosas profesoras María e Inés, do profesor de inglés Eric e unha profesora de prácticasque se chama tamén María.

A ruta pareceunos un pouco longa, pero falando cos compañeiros foi moito mellor, e aínda por riba iamos falando en inglés con Eric!

Vimos que a igrexa é de estilo románico, que ten unhas ventás moi estreitas e uns muros moi anchos. Tamén puidemos vela por dentro, con moitas flores de todo tipo.

A profesora fixo grupos para pintala de fronte, de lado... e algúns profes tamén se animaron, sobre todo Eric que é un gran artista!

Ao final xogamos, bebemos na fonte e merendamos.

Foi un día inolvidable!

Alumnos/as de 5º curso

Lito Portela

Anxo Rúa, alumno de 5º, fixo este xogo cos cadros do artista moañés Lito Portela

Un xogo cos cadros de Lito Portela

View more presentations or Upload your own.

Diario da plantación das ervillas e as patacas

5 de marzo:

Plantamos dúas sementes de ervilla cada un de nós nunha maceta pequeniña de plástico.

11 de marzo:

Xermolaron 5 sementes e aproveitamos para regar.

12 de marzo:

Xermolaron 10 máis.

15 de marzo:

Xa hai 20 de 22 cunha media de 4 cm de altura cunha cor verde e amarela.

16 de marzo:

Seguen sen nacer dúas,medraron en altura e a penas se lles nota a cor amarela.

17 de marzo:

Xa teñen follas e só queda unha por nacer. Seguen a medrar en altura.

18 de marzo:

Todas naceron e seguen a medrar.

22 de marzo:

Hoxe baixamos a plantalas na horta escolar. De un en un e de unha en unha fomos enterrándoas nos buratos que estaban preparados polo profe Antón.

24 de marzo:

Na clase cortamos as patacas por onde tiñan un ollo.
Cando acabamos baixamos á horta e enterramos cada unha nun buraco diante das ervillas .
Os que acabaron foron buscar paus para poñerlle ás ervillas diante para que non se doblasen.
Logo encontramos a Mª CARMEN e a ANTÓN (pero iso e outra historia).

10 de maio:

Pasou moito tempo sen escribir no diario porque había que esperar a que medrasen as plantas. Unha vez por semana iamos ver os avances e un día houbo que cachar as malas herbas de arredor. Non está habendo o tempo meteorolóxico necesario para a maduración das dúas hortalizas. Necesitan sol, pero chove de máis.

18 de xuño:

Levamos un mes sen anotar nada porque había que esperar ata que estiveran listas para apañar. Hoxe, por fin, tenios a colleita de ervillas e de patacas e que compartimos cos compañeiros e compañeiras de ciclo.As ervillas levarémolas para compartir coa nosa familia; pero as patacas ímolas deixar na aula ata setembro para:

FACER TORTILLAS

Queremos aportar dúas suxestións a ter en conta o curso que ven para mellorar o uso da horta: cambiar a ubicación da horta e o equipo de mantemento do concello que veña máis a miúdo a quitar as malas herbas

Forest

En Inglés traballamos coas novas tecnoloxías. Este é outro traballo de Anxo Rúa.

Wellcome to Moaña

Anxo Rúa de Quinto curso preparou este vídeo de Moaña para a clase de Inglés

Vídeo de Moaña.

Este vídeo fíxono Anxo Rúa Refojos, de Quinto curso.