Papá Noel

Hoxe rematou o primeiro trimestre de curso.
Tivemos a visita de Papá Noel, que trouxo un xogo e un libro para cada clase.
Aquí está na clase de quinto:

Aquí está na clase de sexto:

Tamén recibimos a visita dos alumnos de sexto do curso pasado, que agora xa están no instituto. Viñeron ensinarlle as notas aos profes, e a comer churros.

Ultima hora

A Consellería de Educación e Ordenación Universitaria decidiu, como medida de precaución, a suspensión das clases en todos os centros educativos de Galicia durante a xornada de mañá, día 16 de Setembro.

A medida tómase en base á predición da Axencia Estatal de Metereoloxía dun fenómeno meteorolóxico adverso con precipitacións en forma de neve que afectarán á Comunidade Autónoma de Galicia a partir das 00,00 do mércores 16 de Decembro.

Carteis de 6º

Na clase se 6º falamos sobre a igualdade de xénero e fixemos estes carteis.

Os nenos do cable

Hai tempo que queríamos mostraros este vídeo.
Os nenos do cable son de Colombia, e para ir a escola teñen que superar auténticas dificultades.

Pontevedra

Jessica fálanos de Pontevedra:

Noia

Iván recoméndanos Noia:

As Illas Cíes

Elsa e Xabier anímannos a visitar as Illas Cíes:

Folletos turísticos

O alumnado de 6º está a facer folletos turísticos de diferentes sitios de Galicia.

Empezamos polo monte da Fraga, en Moaña, feito por Carmen:

Estamos lendo

A clase de 5º lemos o libro O sorriso de Rosalía de Cristina Sáez Cazallas e publicado por Everest Galicia.
Aquí vos deixamos o argumento:

Rosalía ten o sorriso máis grande do mundo. Unha das cousas que máis lle gusta é o arco da vella e tamén poder subir a el. Un día ocorréuselle unha idea e fíxose a enferma para poder levala adiante.

Día Internacional contra a violencia de xénero

O Día 25 de Novembro é o
Día Internacional para a eliminación da violencia contra as mulleres

"O libro dos porcos" Editado por Kalandraka, segue sendo moi apropiado para nenos e nenas do terceiro ciclo. As ilustracións son fortes e efectivas.


"La cenicienta que no quería comer perdices"
de Nunila Lòpez e Myriam Cameros,está actualmente nas librerías, con gran éxito de ventas, pero podemos velo na rede:

Ademais, como a mellor prevención é a coeducación, deixovos AQUI un enlace á unha interesante selección feita dende a Escola Unitaria de Vide .

Mandalas

COLOREAMOS MANDALAS

Na clase de plástica falamos sobre as mandalas, que son representacións simbólicas utilizadas en Oriente. Pasámolo moi ben combinando as cores e coloreando estas mandalas.
Aquí tedes unhas fotos:





Alumnos de 6º
Máis mandalas para imprimir e colorear aquí. ´
Aquí tedes un pouco máis fáciles, para os máis pequenos do cole.

Disfrutade agora co vídeo:

A astronomía

Seguimos traballando a astronomía

Clicade na imaxe, e entrarás nunha páxina que preparamos para vós, con información, fotografías xogos,..



Con esa información podedes completar a vosa parte do proxecto "Galileo Galilei"

Curso de mecanografía

Aqui vos queda o enlace a un curso de mecanografía moi bo, que vimos en Blogmaníacos, :

http://www.artypist.com/

Este enlace queda fixo no menú lateral do blog, onde dí aprende, para que poidades practicar.

E aqui está unha páxina para medir a vosa velocidade: Speed

Carta para sexto

Na súa carta os nenos e nenas de sexto teñen a seguinte petición:

"Galileo descubriu que os planetas movíanse de xeito diferante a como se pensaba na época.Seríades capaces de buscar na rede e facer dúas ilustracións comparativas?









Aquí tedes unha páxina do IES As Mariñas, que vos pode axudar:

http://sites.google.com/site/mirandoaoceo/

Carta para quinto

Hoxe todos os cursos recibiron unha carta de Paco, a mascota da nosa biblioteca:


Aos nenos e nenas de 5º pídelles que investiguen e fagan unha biografía de Galileo Galilei, para que todos poidamos lela.

Na Galipedia podedes investigar quen era Galileo.


Preme na imaxe e atoparás algúns dos seus inventos:

Aquí tedes un cómic que vos pode interesar '>(Vía IES As Mariñas):

E na biblioteca do cole podedes atopar máis información.

Agora xa estades listos para contestarlle a Paco!!!

Facemos diplomas

Hoxe aprendemos a facer diplomas. Algúns son moi coloridos. Vamos a imprimilos e a botar unhas risas:

Texto: Rodrigo

Fotos: Pablo

O espazo

Pronto todo o alumnado terá que empezar a investigar sobre o espazo.

Imos deixar aquí un pouco de axuda.

Queres saber algo sobre o Sistema Solar, a Vía Láctea, o Universo,...?

Entra no Proxecto Biosfera premendo na imaxe:

Tedes que investigar a biografía de alguén?

Aquí tedes unha páxina interesante para buscar, ou entrando na imaxe.

A view of Vigo

• A pasada semana os de 5º e 6º fomos ata o parque e a praia da Xunqueira coas nosas profesoras.
• Alí cada un de nós fixo un boceto sobre como víamos a cidade de Vigo.
• Xa na clase, e con ese boceto, traballamos no debuxo.
• Finalmente elaboramos un mural conxunto.
  
  

(O título é en Inglés, porque temos a Educación Plástica en Inglés)

En sexto estamos lendo

Os alumnos de 6º curso están lendo "Matilda" de Roal Dhal, que forma parte dos nosos Itinerarios lectores.

A espera dos seus comentarios cando rematen de ler, deixamos aqui un resumo, e un anaco da película basada no libro:
"Matilda é unha nena moi especial, xa que con 5 anos ten numerosos coñecementos, e le moito,..Os seus pais non a queren moito, e non lle fan moito caso. Mentras ela descobre que ten poderes telequinéticos, e...."





Mais sobre Matilda:
http://es.wikipedia.org/wiki/Matilda

Os de quinto lemos...

Os de 5º estamos lendo "Alicia no pais das maravillas" de Lewis Carrol.

Máis información:

http://es.wikipedia.org/wiki/Las_aventuras_de_Alicia_en_el_pa%C3%ADs_de_las_maravillas

Os elefantes bucean

Lemos en Fogonazos que os elefantes da illa de Andamam, no Golfo de Bengala, son capaces de nadar grandes distancias sen problema. Despois de traballar transportando madeira, os elefaantes volven nadando de illa en illa conducidos polos seus coidadores:
Queres velos en acción?:

Normas de convivencia

NORMAS DE CONVIVENCIA
Esta semana na clase de 6º estivemos traballando sobre as normas de convivencia.
Despois de comentar aspectos relacionados co tema, elaboramos un pequeno mural.
Esperamos que vos guste.

Xogos

Este xogo é apropiado para repasar varias áreas de 3º ciclo. Xa xogáramos con él o curso pasado.Podedes practicar cada un no seu ordenador.

Presentámonos

Ola! Son Xabier e considérome amigable, divertido e optimista.
Unha das miñas limitacións é a ED.física.
Ilusiónome cunha vitoria do Barsa e gústame recibir agasallos.


Un sáudo do voso amigo Xabier.

Ola !!!


Son Thais e gústame estar coa miña familia e facer cousas xuntos.

Ilusiónome moito cando vou en avión e cando me fan agasallos.A miña limitación son as matemáticas e non me gusta que falen mal de min.


Un saúdo,Thais

Ola!!!, son Rodrigo e son bastante alegre.Gústame que os demais sexan felices. Encántame remar e ilusiónome moito cando gañamos unha regata .
Espero chegar a ser remeiro da ACT (Asociación Clubs de Traiñas).


Adeus de Rodrigo.

¡Ola! Chámome Pablo e considérome deportista.
Gústame estar cos meus amigos e amigas.
Ás veces son un pouco vago e cóstame centrarme nos estudios.
De maior quixera ser remeiro profesional.

Bicos Pablo.

Ola!! son Noel e considérome deportista,solidario,manitas e xoguetón.Gústame moito xogar ao fútbol e remar.Espero chegar a ser remeiro da A.C.T. e traballar como electricista.

Bicos Noel

Ola!! Que tal? Son Jessica e considérome amable e alegre.
Son feliz cando celebro o meu aniversario e cando chega o Nadal.
Gustariame chegar a ser cantante e pásoo moi ben cando vou a Lugo coa miña familia porque vexo moitos animais na casa da miña avoa.
Veña, espero que visetedes máis o noso blog. Xauuuuu bikos e ata outra. Jessica

Ola!!! Eu son Iván e os meus amigos din que son simpático e riseiro.
Ás veces dame medo a escuridade.
Son feliz cando estou cos meus amigos e amigas. Gústame moito a informática.

Bicos..

Ola!

Chámome Elsa e considérome sincera e tranquila.Son feliz cando xogo co meu can e ilusiónome cando vou de excursión.Espero chegar a ser veterinaria e ter a miña propia clínica.

Saúdos Elsa.

Ola!! Son Carmen e gústame moito estudar.
Disfruto moito na compañía da miña familia e das miñas mellores amigas.
As miñas limitacións son andar en zancos e facer a voltereta.
Quisera ser veterinaria aínda que me da noxo o sangue.



Bicos Carmen

Ola!

Son Brais e todos din que son alegre.
Cóstame facer os deberes e ás veces dame medo suspender.
Son feliz cando estou nun lugar alto e ilusiónome nas regatas, xa que estou remando en SD.SAMERTOLAMEU.REMO.

Ata logo meu !

Ola ! Chámome Ana e considérome boa estudante .

O que me fai máis feliz é estar coas miñas mellores amigas .

A miña principal limitación é facer piruetas coa bicicleta .

Gustaríame chegar a ser científica ou bailarina .

E para finalizar ilusiónome con todo.

Un bico Ana .