Curso de sexto

25/5/11

Maruxa mallo presentación

View more presentations from bibliotecadocole

Presentación Entroido tradicional no Morrazo

Entroido tradicional do morrazo

View more presentations from bibliotecadocole

19/5/11

Preciosas leitugas

Este mércores pasado, 18 de maio, recollemos as leitugas na horta escolar. O rego case diario (repartido, semanalmente, entre 5º e 6º) e a limpieza das malas herbas deu o seu froito: unhas brillantes e apetitosas leitugas .

Comprobalo vós mesmos coas fotos:

Anxo Rúa Refojos e Fabián Pombal Martínez 6º

3º ciclo coñece ao artista plástico moañés Xavier Ríos

O pasado xoves, 12 de maio, tivemos a honra de achegarnos ao taller de Xavier Ríos, un pintor e escultor que vive moi preto do noso colexio, a só uns 5 minutos de distancia e nós sen sabelo. Coñecemos parte da súa obra escultórica exposta (para nós) na súa finca e co mar da ría de fondo. Os barcos construídos a partir de triángulos eran a base da maioría das pezas; pero, había algo máis. Tanto podían formar parte dunha nora como dun columpio; por non falar dos distintos materiais empregados: granito, ferro, aceiro... Dentro do taller a cousa foi distinta: un mesmo motivo de diversas formas(con papel, con metal, con goma...).

Cos cadros pasou o mesmo: formas xeométricas e composicións con elas.

A partir daquí soubemos da súa maneira de traballar organizándose en en series:a memoria,borrón,

refuxios,... Contounos que el sempre ten moi presente a referencia constante á infancia (a escola,os xogos).

Tan preto de nós e ao mesmo tempo, expoñendo en distintos lugares, dende Moaña ás demais cidades de Galicia,Madrid e Portugal.

Só nos queda darlle as grazas e escribir aquí algunhas palabras.

As fotos ilustran a nosa visita.

Noa e Irene 6º

17/5/11

Educación documental e Letras galegs

Para os nenos e nenas do 2º e 3ºciclo, tedes AQUI unha ficha para cubrir sobre Lois Pereiro.
Xa sabedes que para cubrilo, tedes toda a información necesaria no blog Dinamiza Normaliza, ou no menú lateral do blog da Bibliotecadocole.

Unha vez cuberto, entregao ao teu titor/a, e recibirás un agasallo.

4/5/11

Temos campións en Quintela

Os días 30 de abril e 1 de maio os remeiros de Tirán foron a Ferrol para competir no Campionato de España de bateis.

Participaron clubs procedentes de Cantabria, País Vasco, Asturias e Galicia.

O equipo infantil de Tirán quedou de primeiro e gañou a bandeira.

Entre os integrantes deste equipo estiveron os nosos compañeiros Brais González Martínez de 5º e Pablo López Romero de 6º.

PARABÉNS COMPAÑEIROS!!!

15/4/11

6º bota chispas

En 6º, na área de coñecemento do medio, organizámonos en grupos de 4 membros para elaborar traballos sobre a electricidade e o magnetismo. A verdade é que nos saíron moi ben, perdémoslle o medo á electricidade e pasamos un bo rato divertíndonos traballando. Ao final, foi moi satisfactorio.
Expusemos os traballos no corredor e ante a curiosidade dos demáis cursos, ensínamoslles o seu funcionamento.
A continuación, mostrámosvos imaxes da exposición dos traballos:

Exposición.

Pulsómetro: Carlos.

Circuito eléctrico para discapacitados: Fabián, Diego, Anxo B. e Juan.

Farola: Alba, Patricia, Gara e Noelia.

Cuestionario: Noa, Anxo R., Irene e Esteban.

Semáforo: Noa, Anxo R., Irene e Esteban.

Campo magnético: Esteban.

Eléctroimán: Ilian, Samuel, David e Pablo.

Electroimán: Martina, Miryam, Sabela e Sheila.

Circuito eléctrico: Martina, Miryam, Sabela e Sheila.

13/4/11

Visita a "Arte Moaña 11"

O alumnado de 4º, 5º e 6º visitamos a exposición de 24 artistas de Moaña que ten como título Arte Moaña 11. Inaugurouse o sábado 9 de abril na planta superior da praza de abastos de Moaña e permanecerá aberta ata finales de abril. Vimos cadros, esculturas, fotografías e instalacións da arte máis recente.

Aos de 6º gustounos ver unha escultura de Lito Portela xa que tivemos a honra de visitar o seu taller o curso pasado. Como este curso visitaremos xunto cos de 5º a outro artista ( Xavier Ríos ) buscamos unha obra súa e tamén a encontramos. Chamounos moito a atención a gran dama da entrada e o prisma de ilusión.

Estaban na exposición dous dos artistas con obra exposta ( Xulio Lago e María Jalda ) e quedaron encantados ao ver a tantas nenas e nenos alí. Tanto é así que María Jalda deunos unha charla sobre montaxe da exposición, do valor das obras presentadas e da importancia das mesmas.

A continuación, mostrámosvos fotos dalgunhas das obras e da nosa visita.