Curso de sexto

12/3/10

Póster dixital

Imos aprender a facer posters dixitais.
Aquí tedes un titorial para aprender a facelo cunha ferramenta chamada glogster. Permítenos por imaxes, debuxos, textos, voz, vídeo,...:

(Visto en Frases viajeras)

11/3/10

A ciencia

A mascota da biblio envíavos unha mensaxe.

Queridos nenos e nenas:
Gustoume moito todo o que aprendemos sobre Galileo e a astronomía.
Pero agora quero aprender máis cousas:

O nome dos científicos e as científicas máis importantes e os seus descubrimentos.

Cando saibades algún, anotádeo nos expositores da entrada. Poñede tamén o voso nome e o curso, para saber quen é o que máis investiga.
Espero con impaciencia as aportacións!!!

(Nos blogs de ciclo e de biblioteca tedes unha páxina “A ciencia” que vos vai axudar)

5/3/10

Normas de seguridade

2/3/10

Refrán de febreiro

FEBREIRIÑO CURTO COS TEUS DÍAS VINTE E OITO

SE TIVERAS MÁIS CATRO

NON QUEDARÍA CAN NIN GATO,

NIN RATIÑO NO BURATO,

NIN OVELLA RABELA,

NIN PASTOR PARA IR CON ELA,

NIN CORNOS AO CARNEIRO,

NIN ORELLAS AO PREGOEIRO.

OPINIÓN DA CLASE DE 5º.

Este ano vivimos o que conta o refrán:

En febreiro o protagonista foi o mal tempo.

A despedida foi explosiva coa cicloxénese chamada Xynthia.

26/2/10

Normas de seguridade

Esta semana na clase de sexto falamos sobre as normas de seguridade:nas profesións, nos deportes de risco... Estamos facendo uns carteis que xa vos amosaremos.

5/2/10

Convivencia

Na clase de 6º falamos sobre a convivencia nas familias e fixemos un debate sobre:
“ Residencias de anciáns : a favor ou en contra”.

Equipo a favor das residencias: Carmen, Jessica, Iván , Elsa e Xabier.
Moderadora: Elsa.
Portavoz: Xabier.

Equipo en contra das residencias: Rodrigo, Ana, Brais e Thais.
Moderador: Rodrigo.
Portavoz: Ana.

Aquí tedes o resumo do debate:

A FAVOR: Pensamos que deben existir as residencias para que as persoas maiores non estean sós porque en moitos casos os familiares non viven con eles.

EN CONTRA: Non nos parece ben que as persoas maiores se teñan que ir a unha residencia porque na maioría dos casos rómpense os vínculos cos parentes xa que poucas veces os van visitar.

A FAVOR: Son moi necesarias porque moitos anciáns precisan coidados especiais porque padecen enfermidades graves e as súas familias non poden deixar os seus traballos para ocuparse deles.

EN CONTRA : Sí , pero os familiares deberían buscar outra solución antes de deixar aos seus maiores nunha residencia porque poden sentirse moi tristes e abandoados.

Os dous equipos seguen opinando...
Ao remate chegamos a unhas conclusións nas que os dous equipos estamos de acordo:

Parécenos ben que as persoas maiores vaian a unha residencia, pero nunca obrigados.
Nos casos en que as persoas maiores decidan quedar nas súas casas, as familias poderían buscar persoas que se ocupen de coidalos, se eles non poden.
Tamén nos parece moi positivo as residencias de día porque os nosos maiores entretéñense e fan actividades.

Despois do debate lemos o conto “ O prato de madeira “ e fíxonos pensar sobre o importante que é a convivencia nas nosas vidas.
Nenos e nenas de 6º

1/2/10

Un pouco de historia

Vimos este cadro en Trafegando Ronseis:
Preme na imaxe, e entrarás no cadro.
O cadro está composto de personaxes históricos.
Poñendo o cursor enriba de cada personaxe vas ver o seu nome e se clicas nel, poderás entrar na súa páxina da wikipedia.

Representación teatral en caixanova

Texto:

Asistimos á representación do monólogo Un teatro de bolsillo de Carlos Pons e interpretado por Tian Gombau. (Valencia)

Argumento:

Mor é un xograr que viaxa polas vilas e cidades contando historias. Un día decide explicar ao público a historia do teatro, dende a súa orixe ata os nosos días.

Opinión xeral:

Saimos entusiasmados.

Algúns opinan:

Samuel di que foi chistosa e que actuou moi ben.
Anxo considera que foi graciosa.
Noelia comenta: escachei coa risa e gustoume moito a súa maneira de contar, as viñetas que foi mostrando, a música. En fin, foi a obra de teatro máis incrible que vin.