Felices festas

Os cogomelos

Para Manolo Méndez:

Temos mascota na clase de 5º

Andrea Pérez troúxonos a clase un precioso hámster.

Despois dunha votación decidimos que se chamaría "Chip".

Xa lle temos preparada a súa casa con todo tipo de comodidades.

Un agasallo

Unha visión diferente

Este é un traballo dixital do alumno de 6º de Primaria Anxo Rúa sobre a igrexa de San Martiño de Moaña

Os cogumelos

Onte os nenos e nenas de 5º e 6º curso asistiron a unha charla moi interesante sobre as setas.

O conferenciante foi Manuel Méndez, gran aficionado as setas, que nos trouxo uns exemplares recolectados esa mesma mañá nos montes de Moaña.

Museo Massó en Bueu

A antiga fábrica de conservas Massó en Bueu hoxe é un museo público . A familia Massó tiña unha importante colección de obxectos e libros relacionados co mar . Grazas á visita de Marconi e aos seus consellos inauguraron un museo privado en 1932.

Actualmente, o museo pertence a Xunta de Galicia, e polo tanto, é publico. Consta de 3 salas: a 1ª está dedicada as embarcacións tradicionais, a industria conserveira, o salazón do peixe e a caza da balea.

A 2ª sala alberga a biblioteca da familia Massó, maquetas de barcos antigos, instrumentos náuticos e gravados.

A 3ª sala está dedicada a exposicións temporais e tamén dispón dun espazo para audiovisuais.

O protagonista é o mar e por iso, o museo abre as súas portas ao exterior: Un museo de portas para fóra coa finalidade de conectar co ambiente que o arrodea porque o edificio está próximo ao porto de Bueu, aomercado de peixe e á lonxa, á praia e a unha carpintería de ribeira.O persoal do museo pretende conectar o interior do museo coa realidade mariñeira de Bueu e conségueo porque as explicación sda guía son moi claras e comprensibles.

Carta de Paco para 6º curso

QUERIDOS AMIGOS E AMIGAS DE SEXTO:

Levo xa nove anos na biblioteca do voso cole e aínda non me ensinastes como é o pobo onde vivimos.

Este ano gustaríame coñecer un pouco máis de Moaña,onde está, como se chaman os seus ríos, as praias, as festas, en que traballan as súas xentes...

SABEDES QUE 2010 É O ANO INTERNACIONAL DA AUGA?
Gustaríame saber como podo atopar auga no mundo.

Sempre está líquida, ou aparece de outras maneiras?

E que proporción de auga e terra hai no planeta?
Hai máis auga doce ou hai máis salgada?
Por certo, que son os icebergs?

Espero as vosas respostas!

Para buscar a información, na biblioteca escolar, ou na páxina de recursos:

PROXECTO AUGA

Carta de Paco para 5º curso

QUERIDOS AMIGOS E AMIGAS DE QUINTO:

Levo xa nove anos na biblioteca do voso cole e aínda non me ensinastes como é o pobo onde vivimos.

Este ano gustaríame coñecer un pouco máis de Moaña,onde está, como se chaman os seus ríos, as praias, as festas, en que traballan as súas xentes...

SABEDES QUE 2010 É O ANO INTERNACIONAL DA AUGA?

Quixera saber de onde ven a auga que sae das billas das casas e onde vai despois.
Sempre houbo auga nas casas?
Sabedes que civilización fixo grandes obras para levar auga as casas?

Espero as vosas respostas!

Para buscar a información, na biblioteca escolar, ou na páxina de recursos:

PROXECTO AUGA

O libro da auga

UNHA INTERESANTE EXPERIENCIA

ONTE O TERCEIRO CICLO DE QUINTELA, XUNTO CON OUTROS CENTROS, TIVEMOS UNHA VIDEOCONFERENCIA CUNS CIENTÍFICOS GALEGOS QUE ESTÁN INVESTIGANDO NAS UNIVERSIDADES DE XENEBRA E SANTIAGO.

A científica Teresa e o científico Abraham faláronnos dende Xenebra dos átomos e das súas partes máis pequenas e Elena, dende Santiago, falounos dos buracos negros.

Como era tan interesante achegáronse moitos profesores tamén.

É a primeira vez que uns científicos fan unha videoconferencia con centros escolares.

Pareceunos un traballo moi "interesante". Teñen un traballo moi difícil, de moita dedicación e teñen que estudar moito para estar preparados.

Estes traballos axúdannos a saber máis sobre a vida e o universo.

Tamén aclaráronnos dúbidas, como que o planeta non vai a estoupar ou que non o vai tragar un buraco negro.

Son un bó exemplo, porque aínda que están noutro país non esqueceron a súa lingua natal.

Alumnos e alumnas de 5º.

VIDEOCONFERENCIA EN QUINTELA

Onte o 3º ciclo fomos espectadores da aplicación das novas tecnoloxías á escola.

Xenebra( Suíza ), Santiago de Compostela e moitos centros de educativos de Galicia compartimos unha hora de comunicación científica a través dunha videoconferencia. Dous investigadores galegos que traballan no CERN( Consello Europeo de Investigación Nuclear ) e unha profesora e un profesor da facultade de Física da USC( Universidade de Santiago de Compostela ) faláronnos do seu traballo.

Esta videoconferencia estaba pensada para cursos superiores, pero non eramos o único centro de Primaria.

Carlos 6º

Non entendemos moito, pero pareceume unha moi boa idea porque nunca viramos unha videoconferencia.

Martina 6º

Pareceume unha gran oportunidade para entender a física no instituto.

Samuel 6º

Fixéronnos recordar cousas que déramos en 4ºe 5º, como: a materia, a célula, os átomos, o Big Bang, os buratos negros...

Irene 6º

ACABOUSE A ESPERA! : UNHA CLASE NATURAL

Visita á igrexa de San Martiño
O mércores 27 o noso ciclo subiu andando ata a igrexa de S. Martiño.Acompañáronnos Eric e María.A Eric xa o presentamos e a María farémolo agora: é unha estudante de Maxisterio que está a facer as prácticas no colexio.
En coñecemento do medio estudamos a Idade Media e,polo tanto, os estilos artísticos mediavais; como a igrexa de S. Martiño pertence ao estilo románico decidimos ter unha clase ao aire libre.Esta consistiu en observar o edificio por fóra para logo debuxar as distintas paredes exteriores tendo en conta os elementos característicos do románico:arco de medio punto,paredes de pedra grosas, cruz latina,ventás
pequenas,pórtico,pouca altura,...
Eric,como experto en artes plásticas,ensinounos unha técnica para traballar as proporcións usando as mans.Tivemos unha mañá moi divertida,pero acabamos esgotados.

P.D. : as fotos ilustran a nosa experiencia.

Sexto curso

Xogo do samaín

A ver cantos puntos consigues. Entra e xoga:

Xogo do CEIP Manuel Fraga de Cariño

Saída á igrexa de San Martiño

O mércores a nosa clase de 5º e os nenos e nenas de 6º, fomos ver a igrexa de San Martiño en Abelendo.

Fomos acompañados das nosas profesoras María e Inés, do profesor de inglés Eric e unha profesora de prácticasque se chama tamén María.

A ruta pareceunos un pouco longa, pero falando cos compañeiros foi moito mellor, e aínda por riba iamos falando en inglés con Eric!

Vimos que a igrexa é de estilo románico, que ten unhas ventás moi estreitas e uns muros moi anchos. Tamén puidemos vela por dentro, con moitas flores de todo tipo.

A profesora fixo grupos para pintala de fronte, de lado... e algúns profes tamén se animaron, sobre todo Eric que é un gran artista!

Ao final xogamos, bebemos na fonte e merendamos.

Foi un día inolvidable!

Alumnos/as de 5º curso

3º ciclo en San Martiño

O próximo día 2 de Novembro poderedes descubrir no blog de 3º ciclo a nosa aventura!!!

Ata loguiño!

P.D.: Non deixedes de visitar o noso blog

Un agarimoso saúdo 6º Curso

As bibliotecas de aula

Este ano celebramos o día das biblioteca escolares coa decoración das bibliotecas de aula, e a vi sita de todas as do cole.

Así quedaron as nosas.

sita

6º CURSO

Este curso temos novidades en inglés: unha nova mestra e un profesor de conversa. Este profesor veu de Indianápolis (U.S.A.) e chámase Eric. Estamos empezando a coñecernos. Nós temos bastante vergonza a falar con el en inglés, só uns poucos se lanzaron. A Eric pásalle co castelán o mesmo ca nós co inglés: temos que coller soltura. Sin embargo, el non ten vergonza e si moita curiosidade. Como vai estar con nós todo o curso axudaranos a deixar de ser tímidos e tímidas.

Ah! Esqueciamonos de dicir que Eric é moi riseiro, simpático e amable.

Xa cos iremos contando máis cousas ao longo do curso.

Para buscar imaxes

As veces queredes ilustrar as vosas entradas nos blogs con fotografías.

Si queremos acudir a internet, hai varias opcións para ter imaxes con licencia para poder usalas.

Para coñecer eses sitios, o blog "Xarxatic" ten unha entrada moi didáctica.

E aconsellable que probedes as diferentes opcións:

"Google"

Flickr

Open Stock Photography

MorgeFile

Buscade fotografías sobre un tema: A auga. Cando teñades unha carpeta, facede unha presentación sobre ese tema.

(A páxina Xarxatic e unha recomendación que nos chega de Cristina Novoa, da Asesoría de Bibliotecas Escolares de Galicia )

A prensa na escola

Este curso o alumnado de 3º ciclo vai recibir prensa na escola, para poder traballar con ela.
No menú lateral , no apartado de "Aprende".,queda un enlace con recursos e actividades:

Prensa na escola

Inicio de curso

As clases comenzan o día 10 de Setembro, no horario habitual; de 9 a 2.

As actividades de tarde empezarán no mes de outubro

Os de 5' recomendamos lectura

Este trimestre tivemos lectura colectiva do libro Queres ser o mozo da miña irma , recomendamola. Ai van os nosos comentarios:

Conta a historia dunha nena que ten unha irma adolescente que lle amarga os dias. Rimos a cachon. Anxo Rua

Pareceme un libro moi divertido cuns personaxes un pouco parvos. Noa

Fixome rir e tiña unhas ilustracions graciosas; ademais, gustoume porque os seus personaxes reflexan a realidade adolescente. Carlos

E unha historia moi atolondrada. Samuel

É moi entretido e as nosas risas abundaron na clase. Alba

Os personaxes son tan divertidos que dan ganas de chorar de risa. Ilian

A min pareceume un libro moi gracioso porque a nena pasanlle cousas que a nós nos pasan ou pasarán. Anxo Barcia

Este libro gustoume porque alguns personaxes teñen uns nomes moi divertidos. Fabián

A min gustoume moito porque os personaxes son mais parvos ca nós. Noelia

A min gustoume moito porque a historia é moi interesante e realista. Juan

Gustoume moito porque a familia é moi divertida. A irmá dunha rapaza adolescente estalle buscando mozo. Diego

A min gustoume porque os nomes son un pouco raros e divertidos. Martina

A min encantoume o libro polas parvadas que fai a protagonista. Sheila
`
A min gustoume porque os seus personaxes estan tolos. Patri

Fixonos rir moito coas súas historias. Miryam

Despedida do noso colexio

O curso remata e despedimonos con esta poesia feita por nós.
Tranquil@s mestres/as que viremos de visita.


Poesía de despedida do Colexio

Como xa estamos en sexto
e a secundaria pasaremos,
queremos despedirnos
lembrando os bos momentos.

Festas e celebracións
sempre foron o mellor.
O magosto, o Nadal
e como non, este festival.

Non podemos esquecer os antroidos xeniais:
de pintores eramos os mellores,
de científicos luciamos magníficos
e de mexicanos pareciamos ananos.

E como non, falemos de excursións.
A Ramirás seguro que volveremos.
Nas illas Cies xogos e diversión
e na vindeira a Manzaneda xa vos contaremos.

Aos mestres e ás mestras
sempre lembraremos.
Ao noso querido Paco
tampouco esqueceremos.

Desexamos que o noso colexio
siga sendo sempre así:
festeiro, divertido, que mola tela
e nenos e nenas compañeiros entre sí.

Amigos e amigas que vides detrás,
non vos esquezades de o coidar
para que as futuras xeracións
o poidan disfrutar.


Nenos e nenas de 6º Xuño 2010

Traballos de ciencia

Os nenos e nenas de sexto fixemos uns traballos de investigación sobre a enerxía, as forzas e a electricidade e magnetismo.
A experiencia resultou interesante.
Aquí tedes unhas fotos.

Lito Portela

Anxo Rúa, alumno de 5º, fixo este xogo cos cadros do artista moañés Lito Portela

Un xogo cos cadros de Lito Portela

View more presentations or Upload your own.

Excursión a Manzaneda

Este mércores os nenos e nenas de 6º de Quintela voltamos da excursión de Cabeza de Manzaneda. Tamén fixemos moitas actividades: Karts, tiro con arco, supervivencia...
Todos pasámolo xenial.


Agora imos ensinarvos unhas fotos:

¡¡¡Saímos na tele!!!

O 1 de xuño viñeron grabarnos os técnicos do programa de TVG ''BEN FALADO''. 7 de nós falamos ante os cámaras contestando as preguntas da entravistadora. Estabamos moi nerviosos e ás veces, non sabiamos que dicir. A periodista pedíanos que non corrésemos ao falar. Algúns probamos a estar detrás da cámara. Comprobamos que os programas de televisión necesitan moita preparación e ensaio. Falamos sobre as novas tecnoloxías usando o galego. Ao rematar dixemos todos á vez:

¡¡BEN FALADO!!

A tele no cole

Hoxe estivo un equipo de televisión no noso cole para gravar a algúns dos nosos alumnos contanto as cousas que fan na rede. Todos estaban moi nerviosos, pero fixeronno moi ben. Falaronlle dos blogs e dos contos e montaxes que fan para os blogs, sempre en galego.
Os de abaixo son Patri e Anxo, de 5º. Que maiores parecen!!

Uxio Novoneyra

Aquí tedes un libro interactivo de actividades sobre Uxio Novoneyra

Diario da plantación das ervillas e as patacas

5 de marzo:

Plantamos dúas sementes de ervilla cada un de nós nunha maceta pequeniña de plástico.

11 de marzo:

Xermolaron 5 sementes e aproveitamos para regar.

12 de marzo:

Xermolaron 10 máis.

15 de marzo:

Xa hai 20 de 22 cunha media de 4 cm de altura cunha cor verde e amarela.

16 de marzo:

Seguen sen nacer dúas,medraron en altura e a penas se lles nota a cor amarela.

17 de marzo:

Xa teñen follas e só queda unha por nacer. Seguen a medrar en altura.

18 de marzo:

Todas naceron e seguen a medrar.

22 de marzo:

Hoxe baixamos a plantalas na horta escolar. De un en un e de unha en unha fomos enterrándoas nos buratos que estaban preparados polo profe Antón.

24 de marzo:

Na clase cortamos as patacas por onde tiñan un ollo.
Cando acabamos baixamos á horta e enterramos cada unha nun buraco diante das ervillas .
Os que acabaron foron buscar paus para poñerlle ás ervillas diante para que non se doblasen.
Logo encontramos a Mª CARMEN e a ANTÓN (pero iso e outra historia).

10 de maio:

Pasou moito tempo sen escribir no diario porque había que esperar a que medrasen as plantas. Unha vez por semana iamos ver os avances e un día houbo que cachar as malas herbas de arredor. Non está habendo o tempo meteorolóxico necesario para a maduración das dúas hortalizas. Necesitan sol, pero chove de máis.

18 de xuño:

Levamos un mes sen anotar nada porque había que esperar ata que estiveran listas para apañar. Hoxe, por fin, tenios a colleita de ervillas e de patacas e que compartimos cos compañeiros e compañeiras de ciclo.As ervillas levarémolas para compartir coa nosa familia; pero as patacas ímolas deixar na aula ata setembro para:

FACER TORTILLAS

Queremos aportar dúas suxestións a ter en conta o curso que ven para mellorar o uso da horta: cambiar a ubicación da horta e o equipo de mantemento do concello que veña máis a miúdo a quitar as malas herbas

Charla

Charla – presentación : Cómo se fai un libro?

A profesora Mercedes e o profesor Jorge, do I.E.S. Montecelo ( Pontevedra ), dedicaron unha parte do seu tempo a falarnos do proceso de elaboración dun libro: dende a idea inicial do escritor ou escritora ata a chegada dos exemplares ás librarías. Non vos podedes imaxinar todo o traballo que hai que facer ata que un libro chega ás nosas mans.Axudáronse de imaxes na pantalla para ilustrar todo o proceso.. Tamén nos amosaron obxectos que se utilizan na edición artesanal. Ao final regaláronnos un traballo troquelado: un cartón cortado e dividido de tal xeito que se convirte nun lapiseiro en forma de moucho.
Resultou unha charla moi entretida na que aprendemos moitas cousas.

Alumnado de 3º ciclo

A Galipedia

O alumnado de terceiro ciclo está preparando novas entradas para a Galipedia ( a wikipedia en galego).
Os de sexto prepararon a súa:

Primeiro editaron a entrada que hai sobre Moaña para incluir entre os persoeiros ilustres a Xabier Blanco, mestre gaiteiro de Moaña.

A continuación crearon a entrada sobre Xabier, con información recollida do propio gaiteiro.

Antes acudiran a Aula de catalogación de instrumentos tradicionais onde o gaiteiro explicoulles e ensinoulles o uso de moitos intrumentos alí expostos, e contestou ás súas preguntas.
Clica na imaxe para ver a páxina


O curso pasado o terceiro ciclo creou a de Iván Costa Blanco.

Letras galegas 2010

Como sabedes, este ano o Día das letras galegas está dedicado a Uxío Nononeyra, poeta do Courel.
No Ceip Condesa de Fenosa, do Barco de Valdeorras fixeron unhas actividades LIM que vos van gustar. Clicade na imaxe para empezar:


No CEIP A Ponte de Lugo fixeron unha liña do tempo, onde se poden ver os feitos máis relevantes da súa vida.Pon o cursor enriba de cada data, e poderás ler a información.

Presentación Moaña: Martina e Sabela

Un paseo por Moaña: Samuel e Alba

Visita ao taller de Lito Portela

VISITA AO TALLER DO ARTISTA MOAÑÉS LITO PORTELA


O pasado xoves, 29 de abril, o alumnado de terceiro ciclo visitamos o taller dun artista moañés.

O pintor e escultor Lito Portela falounos de como elabora as súas obras dende que ten a idea na cabeza ata que remata a peza. Explicounos como facer unha escultura con elementos da natureza.

Tíñanos preparado na súa mesa de traballo: canas cortadas e con buracos, fíos de vimbia e tiras de cartolina. Con todo isto propúxonos converternos en artistas por un día.

Agradecemos a súa amabilidade con nós e o tempo que nos dedicou.

Alumnado de 3º ciclo

P.D. Ao remate da visita Lito Portela agasallounos cunha pintura súa para o colexio.